კონფიდენციალურობის პოლიტიკა

5. ქუქიები, კალათა და თანხმობის მართვა

კალათისა და თქვენი თანხმობის არჩევანის დასამახსოვრებლად საიტი იყენებს თქვენი ბრაუზერის ადგილობრივ საცავს (localStorage/sessionStorage). კალათის მონაცემები Google Analytics-ს ავტომატურად არ ეგზავნება.

თანხმობას ორ კატეგორიად ვყოფთ: ანალიტიკა (Google Analytics — საიტის გამოყენების სტატისტიკა) და მარკეტინგი (რეკლამის ეფექტიანობის გაზომვა). თითოეული ცალკე ირთვება — შეგიძლიათ დაუშვათ მხოლოდ ერთი, ორივე ან არცერთი. აუცილებელი ქუქიები (კალათა, უსაფრთხოება) თანხმობას არ საჭიროებს.

ვიყენებთ Google Consent Mode v2-ს: Google-ის სკრიპტი გვერდზე იტვირთება უარყოფილი მდგომარეობით და თანხმობის გარეშე არანაირ ქუქის არ ქმნის — Google-ს მხოლოდ ანონიმური, ქუქიების გარეშე სიგნალი ეგზავნება. ანალიტიკური ქუქიები ჩნდება მხოლოდ მას შემდეგ, რაც „ანალიტიკას“ დაუშვებთ. სანამ „მარკეტინგს“ არ დაუშვებთ, სარეკლამო ინსტრუმენტები არ ჩაიტვირთება და სარეკლამო ქუქიები არ იქმნება.

თანხმობის გამოთხოვის შემთხვევაში შესაბამის ქუქიებს ვშლით და გვერდი თავიდან იტვირთება.

თანხმობის შემდეგ შეიძლება დამუშავდეს ტექნიკური ინფორმაცია, მაგალითად მოწყობილობისა და ბრაუზერის ტიპი, მონახულებული გვერდები, საიტზე შესრულებული მოქმედებები და მიახლოებითი რეგიონი. მონაცემები შეიძლება დამუშავდეს საქართველოს ფარგლებს გარეთ Google-ის ინფრასტრუქტურაში და ინახება Google Analytics-ის მოქმედი პარამეტრების შესაბამისად.

Meta-ს პიქსელი და Conversions API

თუ „მარკეტინგს“ დაუშვებთ, საიტზე ჩაიტვირთება Meta-ს (Facebook, Instagram) პიქსელი. ის აფიქსირებს პროდუქტის ნახვას, კალათაში დამატებას, გადახდის დაწყებას და შესყიდვას — რომ დავინახოთ, რომელი რეკლამა მუშაობს. თანხმობის გარეშე პიქსელი საერთოდ არ ჩაიტვირთება.

შესყიდვის შესახებ იგივე ინფორმაციას ჩვენი სერვერიც უგზავნის Meta-ს (Conversions API) — მაშინაც, თუ ბრაუზერში რეკლამის ბლოკერია. ორივე შეტყობინებას ერთი და იგივე იდენტიფიკატორი აქვს, ამიტომ Meta მათ ერთ მოვლენად თვლის. ეს იგზავნება მხოლოდ იმ შეკვეთებზე, სადაც შეკვეთის მომენტში მარკეტინგზე თანხმობა იყო მოცემული.

Meta-ს ეგზავნება: შეკვეთის ღირებულება და პროდუქტები, თქვენი ელ-ფოსტისა და ტელეფონის დაშიფრული (hash) სახე — არა ღია ტექსტით — ასევე IP მისამართი და ბრაუზერის ტიპი. მონაცემები მუშავდება Meta-ს ინფრასტრუქტურაში საქართველოს ფარგლებს გარეთ. თანხმობის გამოთხოვის შემდეგ ახალი მონაცემები აღარ იგზავნება.

თქვენი არჩევანი ინახება ბრაუზერში მანამდე, სანამ თავად არ შეცვლით ან ბრაუზერის მონაცემებს არ გაასუფთავებთ.

არჩევანის შეცვლა ნებისმიერ დროს შეგიძლიათ: